Исламда әйел затының орны ерекше. Әйел – ана, әпке, жар, сәби. Мұхаммед Пайғамбар: «Бұл дүние – тек зат қана. Ал ондағы ең жақсысы – тақуа әйел»-деген. Тақуа, бойұсынғыш  әйел - жұбайы мен оның отбасының қуанышы. Еріне ашуланбайтын, сабыр сақтай білетін, жақсы әйел – иманның жартысы. Хадисте: «Алла кімге тақуа әйел берсе оған аяғынан тік тұруға көмектескені және дін жүктегеннің жартысын толықтырғаны. Енді екінші жартысын Алладан қорқып, өзі толықтырсын»-демей ме? Басқа хадисте: «Дүниеде кімге төрт нәрсе берілсе оған  осы дүниенің де, мәңгілік дүниенің де жақсылығы беріледі. Ол – ризашылық танытушы жүрек, Алланы еске алатын тіл, ауыртпалық пен қайғыны сабырмен көтеретін тән және мүлкіне де арына да қатысты дүниеде өзін алдамайтын адал әйел»-дейді.

Әйелге Алла жүктеген міндеттің бірі ерін риза қылу және оның мүлкіне ие болу. Сондықтан да әйел адам ерінің ризалығын алуы тиіс, ердің ризалығы Алланың ризалығы.

Үммі Акилидің өз қызына айтқан кереметтей өсиеті бар: «Қызым менің! Сен өзің өскен ұядан ұштың. Сен өзің бұрын білмеген адамға тұрмысқа шықтың. Ол сенің серігің. Оған күң бол, сонда ол саған құл болады. Онымен қарым-қатынас жасағанда он өсиетті есіңе сақта. Бірінші және екінші – оны құрметте, оны тыңда және оған бойұсын. Үшінші және төртінші – оның нені жақсы көретінін біліп ал. Бесінші және алтыншы – қайда ұйықтайтынын, қандай тамақ жейтінінін біл, себебі аштық пен ұйқы оның ашуын тудырады, жетінші және сегізінші – оның мүлкін сақта, оның қызметшілер мен балаларына қамқорлық таныт. Ең бастысы мүлікте – оның дұрыс бағалау, ал отбасында – дұрыс бөлу.

Ерлеріңізге құлақ асып, бойұсыныңыздар! Бірде Пайғамбарымыз (с.ғ.с) бір әйелден: «Сенің жұбайың бар ма?-деп сұрайды. Ол: «Иә» - деп жауап қатады, Алла елшісі: «Ол саған риза ма?-деп сұрайды. Әлгі әйел: «Ол мен бірдеңе жасай алмасам соған ашуланады»-дейді. Сонда Пайғамбарымыз: «Оған ілтипатты, мұқият бол, себебі ол саған Тозақ әрі Жұмақ»-деген екен.

Мұсылман әйелдеріне үлгі боларлық ана, әпкелеріміз жетерлік. Имам Ахмад Пайғамбарымыздың өзіне Алла Хадишадан артық әйел бермегені туралы Алла атымен ант еткенін жеткізеді. Пайғамбарымыздың өзі Хадиша туралы: «Ол әйелдердің ең жақсысы»-деген.

Алла елшісі өзінің сүйікті қызы Фатима ұзатылғанда оған мынадай өсиет айтады: «Қызым менің, әрдайым таза әрі жағымды бол! Өзіңнің Аллаңды есіңнен шығарма! Сенің жұбайың саған әр қараған сайын қуансын, осыдан қуат алсын! Сүрме қолдан. Ол әйелдің әшекейі. Қызым менің, ерің саған қарағанда көзіңді тайдырма, мұқият жауап бер. Егер сен осылай жасасаң махаббатың артады. Тіпті ол басқа жаққа қарағанда да сен оның жүзіне қара. Бұнда орасан пайда бар. Оны әдемі көздеріңмен қуантып, жүзіне қарау арқылы сен оны риза етесің. Бұл сен үшін ерікті ораза айы сияқты құнды. Еріңнің алдында үнсіз кірме және үндемей қалма! Ол қалай сөйлегенді ұнатса солай сөйле, сонда ол сені одан сайын жақсы көре түседі. Басқаларға оның қателіктерін айтпа. Егер сен оны басқаларға айтсаң Алла саған ашулы болады. Онда періштелер, Пайғамбарлар және еріңнің өзі саған қарсы болады».

Міне өмірлік өсиет! Ешкім айта алмайтын, ешкім бұдан артық түсіндіре алмайтын ақыл!

Қарағанды облыстық орталық  мешіті

Әмина Омарова