Ер адамды мықты қылатын әйел деген тәмсіл бар ел арасында. Мінсіз отбасына іздемейік, өйткені мінсіздер мыңнан біреу кездеседі. Кез-келген отбасының өз проблемасы, міндеті, реніші мен көз жасы болады. Мінсіз отбасы деп Мұхаммед Пайғамбарымыздың отбасын айта аламыз. Өйткені Ол өзі мінсіз, күнәсіз. Сондай-ақ сахабалар мен сол кезеңдердегі әділ халифтердің отбасыларын да үлгі етуге болады.

Козьма Прутков: «Әр ұлы істің басында бір қолымен бесік, бір қолымен әлемді тербететін әйел тұрады»-дейді.

Әр ер адамның артында  әйел тұрады. Туғаннан бастап барын баласының бойына сіңіретін ең алдымен анасы, одан кейін қуаныш пен қайғысын бөлісетін өмірлік серігі, яғни жары.

Ер адамның қасында  ұлы әйел болғанда ғана ұлылыққа қол жеткізе алады. Бұл пікірде барлық білімдар ғұламалардың ойы бір жерде тоғысады. Әйелдің ұлылығы дегеніміз ең алдымен иманының беріктігі, сабырлылығы, Алла мен еріне деген бойұсынуы. Ұлы әйел – ұрыс алаңында жүретін әйел емес. Ол ерін кез-келген жағдайда қолдап, көмектесіп, кеңес беріп отыратын әйел.

Тарихқа көз жүгіртейік. Алла Тағаладан Пайғамбарымызға пайғамбарлық берілгенде оның қасында болып  қолдағандардың алғашқысы өзінің жұбайы Хадиша анамыз. Хадиша анамыз Пайғамбарымызға сенді, қолдады, барлық істе көмектесті. Барлық дүние-мүлкін шындық жолында жұмсады. Хадиша анамыз – ұлы әйел. Бақуатты бола тұра ол отбасылық өмірді таңдады.

Бұл әлемде барлық нәрсенің құпиясы бар. Барлығында даналық жасырынған. Оның біразын білгенімізбен бәрін тек бір Алла ғана біледі.

Жұбайынан сенім мен қолдау тапқан ер адамның өз-өзіне деген сенімділігі мен құлшынысы арта түседі. Неке қосқан ерлі-зайыптыларда бір ғана өмір, бір ғана мақсат, бір ғана жол бар.

Жұбайының ерін жамандап жататын жағдайларды өмірде көптеп кездестіреміз. Бірақ сол адамды Алланың маңдайға жазған адамы ретінде қабыл алуды біле бермейміз. Ер адам қандай болсын барлық істе құлшылық пен дұға-тілек, Аллаға деген сенім көмектесетініне сенейік. Алла бәрінен ұлық.

Қазақшаға islam.ru сайтынан аударылды