Қарағанды облысы, Бұқар жырау ауданы, Байқадам ауылындағы «Ғыйзат қажы» мешітінің ұйымдастыруымен ауыл тұрғындарына ас беру мәдениетіне қатысты арнайы құжат таныстырылып, оның маңыздылығы кеңінен түсіндірілді.

Кездесу барысында құдайы ас берудегі ұлттық дәстүр мен діни тағылым, ысырапшылдыққа жол бермеу, қаралы үйге түсетін ауыртпалықты азайту және ас беруде қарапайымдылықты сақтау мәселелері сөз болды. Сондай-ақ тұрғындарға ас берудің негізгі мақсаты – марқұмға дұға бағыштап, сауапты амал жасау екені түсіндірілді.

Шараның мақсаты – халық арасында ас беру мәдениетін қалыптастыру, ұлттық құндылықтарды дәріптеу және діни рәсімдерді шариғат талаптары мен дәстүр сабақтастығына сай өткізуге үндеу.