Қарағанды қалалық «Төлеутай ата» мешітінің жамағаты «Дархан дала» отандық туризмді дамыту жобасы аясында қазақтың әйгілі жырауы Бұқар жырау Қалқаманұлының мазарына зиярат етті.

Зиярат барысында жамағат бабамыздың рухына Құран аяттарын оқып, дұға жасады. Сондай-ақ ұлт тарихында өзіндік орны бар тұлғаның өнегелі өмірі мен рухани мұрасын ұлықтаудың маңыздылығына назар аударылды.

Тағылымды сапардың мақсаты – отандық туризмді дамыту, тарихи-мәдени мұраларымызды дәріптеу, өскелең ұрпақтың ұлттық тарихқа деген құрметін арттыру және бабалар рухына тағзым ету.