Қарағанды қалалық «Ар-Рахман» мешітінде «Отбасы – бақыт пен берекенің тірегі» тақырыбында дәстүрлі бейсенбілік рухани дастархан өтті.

Рухани кездесудің негізгі мақсаты – отбасы құндылықтарын дәріптеу, жанұядағы сыйластық пен өзара құрметтің маңызын насихаттау, сондай-ақ қоғамдағы рухани бірлікті нығайту.

Дастархан барысында отбасының адам өміріндегі орны, ерлі-зайыптылар арасындағы өзара түсіністік, ата-анаға құрмет және бала тәрбиесі жөнінде тағылымды әңгімелер айтылды. Жиналған жамағатқа отбасы берекесін сақтаудың маңызы түсіндіріліп, насихаттық бағытта пайдалы кеңестер берілді.

Осындай рухани басқосулар жамағат арасындағы бауырмалдықты арттырып, ізгілік пен имандылық құндылықтарын кеңінен насихаттауға мүмкіндік береді.

Алла Тағала әрбір отбасына береке, татулық, мейірім мен баянды бақыт нәсіп етсін!