Шахтинск қалалық «Нұр» мешіті қабырғасында Құрбан айт мерекесіне дайындық аясында қасапшыларға арналған семинар ұйымдастырылды. Семинарды мешіт имамы Әбілхайыр Кәсенұлы жүргізді.

Кездесу барысында Құрбан айт күндері қасапшыларға қатысты атқарылатын жұмыстар мен ұйымдастыру мәселелері кеңінен талқыланды. Сонымен қатар құрбандық малын сою әдебі, тазалық талаптары және шариғатқа сай орындалуы тиіс ережелер түсіндірілді.

Семинарда малға жанашырлық таныту, құрбан шалуда асығыстық пен дөрекілікке жол бермеу, сондай-ақ құрбандық рәсімін ислам әдебіне сай орындаудың маңыздылығы айтылды. 

Қатысушылар өздерін толғандырған сұрақтарын қойып, тиісті жауаптарын алды.

Мұндай тағылымды кездесулер Құрбан айт күндері діни рәсімдердің дұрыс әрі жүйелі атқарылуына оң ықпал етеді.