Шет ауданы, Ақадыр кентіндегі «Иса молла» мешітінде ұстаз Әлия Рахманқызының ұйымдастыруымен әйел жамағатына арналған тағылымды іс-шара өтті.

«Әйел адам – адал қоғамның тірегі» атты кездесуде әйел адамның қоғамдағы орны мен маңызы кеңінен түсіндірілді. Іс-шара барысында әйел затының Алла Тағала тарапынан ерекше мейіріммен жаратылғаны, олардың отбасы мен қоғамдағы рөлі айрықша екені атап өтілді.

Жиында әйел – тек отбасының емес, тұтас қоғамның тірегі екені айтылып, ұрпақ тәрбиесі, отбасы берекесі және қоғамның рухани деңгейі көбіне әйел адамның парасаты мен тәрбиесіне байланысты екені түсіндірілді.