Абай аудандық орталық мешітінің наиб имамы Есбол Оңалұлы дін мен дәстүрдің сабақтастығы тақырыбында тағылымды насихат айтты. Кездесу барысында имам халқымыздың ғасырлар бойы қалыптасқан салт-дәстүрлері мен Ислам дінінің өзара үйлесімділігіне кеңінен тоқталды.

Насихатта ұлттық құндылықтарды дәріптеу, ата-баба аманатына адал болу, сондай-ақ дініміздің асыл қағидаларын дұрыс түсініп, оны күнделікті өмірде ұстанудың маңыздылығы айтылды. Сонымен қатар, жастарды тәрбиелеуде дәстүр мен діннің орны ерекше екені тілге тиек етілді.

Жиын соңында жамағат көкейлеріндегі сұрақтарын қойып, рухани тұрғыда пайдалы мәліметтер алды. Осындай игі кездесулер алдағы уақытта да жалғасын табады деп күтілуде.