Теміртау қаласының жаңа зияратында “Өткенге құрмет – тіріге міндет” акциясы аясында сенбілік тазалық жұмыстары ұйымдастырылды.

Шара барысында қала тұрғындары, еріктілер және белсенді азаматтар қорым аумағын қоқыстан тазартып, шөптерін шауып, ретке келтіру жұмыстарын жүргізді. Сондай-ақ, бейіт маңайын абаттандыруға бағытталған бірқатар жұмыстар атқарылды.

Ұйымдастырушылардың айтуынша, бұл игі бастама өскелең ұрпаққа ата-баба рухына құрмет көрсету мен қоршаған ортаны таза ұстау мәдениетін қалыптастыруды мақсат етеді.