Үштөбе ауылдық «Қажыбай қажы» мешітінің имамы Нығыман Жандос Әшімұлының ұйымдастыруымен «Қарттар – ел қазынасы» атты іс-шара өтті.

Шара барысында ауыл ақсақалдарының басы қосылып, оларға құрмет көрсетіліп, ерекше көңіл бөлінді. 

Қарттарға арналып дастархан жайылып, жылы лебіздер айтылды.

Имам өз сөзінде қарияларды құрметтеу - Ислам дініндегі маңызды құндылықтардың бірі екенін атап өтіп, үлкендерді сыйлау мен олардың батасын алу – берекенің бастауы екенін жеткізді.

Іс-шара соңында ақсақалдар ұйымдастырушыларға алғыстарын білдіріп, жастарға ақ баталарын берді.