Қарағанды қалалық «Төлеутай ата» мешітінің наиб имамы Дархан Түменбай мешіт жамағатына қазіргі қоғамда белең алып отырған жат ағымдардың алдын алу мақсатында түсіндіру жұмыстарын жүргізді.

Кездесу барысында имам дәстүрлі діннің құндылықтарын насихаттап, теріс ағымдардың зияны мен қауіпті тұстары жайында кеңінен баяндады. Сонымен қатар, жамағатты дұрыс діни бағыт ұстануға шақырды.

Сондай-ақ, жиында уақыптың маңызы мен міндеттері туралы айтылып, оның қоғам игілігі жолындағы рөлі түсіндірілді.