Қарағанды қалалық «Әл-Ғаффар» мешіті әйел - қыздар жамағаты «Иқро-Көзайым» оқырман ханымдар клубымен наурыз айында оқыған «Ұшқан ұя» кітабының талқылау жиыны өтті.

Бұл жолғы талқылаудың арқауы – халық қаһарманы, даңқты қолбасшы Бауыржан Момышұлының шоқтығы биік туындысы «Ұшқан ұя» повесі болды.

Жиынға қатысушы ханымдар кітаптағы Бауыржанның балалық шағы арқылы берілген қазақы тәрбиенің ерекшеліктерін сөз етті. Әсіресе, ата-әже мектебінің бүгінгі қоғамдағы жетіспеушілігі мен маңыздылығы туралы қызу пікірталас өрбіді.

 Әйел бейнесі және отбасы: Шығармадағы аналар мен әжелердің образы, олардың отбасы ұйытқысы ретіндегі рөлі клуб мүшелерінің назарынан тыс қалған жоқ. Қазіргі заманғы ана мен кітаптағы кейіпкерлер арасындағы рухани сабақтастық талқыланды.

 Ұлттық код: Повесте сипатталған салт-дәстүрлер, жоралғылар мен дала заңы – ұлттық кодымыздың ажырамас бөлігі екені айтылды. Қатысушылар шығарманың тек естелік емес, болашақ ұрпаққа арналған тәрбие құралы екенін атап өтті.

«Ұшқан ұя» – әрбір шаңырақтың төрінде тұруға лайықты туынды. Талқылау соңында клуб мүшелері осындай кездесулердің адамды рухани байытатынын және кітап оқу мәдениетін қалыптастырудағы рөлі зор екенін айтып, ризашылықтарын білдірді.