«Таза Қазақстан» акциясы аясында ҚМДБ Төрағасы, Бас мүфти Наурызбай қажы Тағанұлының бастамасымен Қарағанды облыстық «Әнет баба» мешітінде «Таза мешіт» атты көктемгі сенбілік жұмыстары ұйымдастырылды.

Игі шараға облыстық мешіт ұжымы, дін қызметкерлері және мешіттің шаруашылық қызметкерлері белсене қатысып, бірлесе еңбек етті.

Акция барысында мешіт ауласында көктемгі тазалық жұмыстары жүргізіліп, айнала ретке келтірілді.

Аталған бастама – тазалықты насихаттап, қоғамда экологиялық мәдениетті қалыптастыруға бағытталған маңызды шаралардың бірі.