Қарағанды облысы, Қарқаралы қалалық «Мәди Бәпиұлы» мешітінде қасиетті Қадір түнінің құрметіне жастарға арналған рухани кеш ұйымдастырылды. Іс-шара барысында «Қадір түнінің қасиеті» тақырыбында насихат айтылып, түннің маңызы мен ерекшелігі кеңінен түсіндірілді.

Кеш аясында жастар арасында сұрақ-жауап ойыны өткізіліп, қатысушылар көкейлеріндегі сауалдарына жауап алды. Сонымен қатар, жиын жастардың діни сауатын арттырып, рухани құндылықтарды дәріптеуге бағытталды.