Қарағанды облысына қарасты Саран қаласында орналасқан қалалық мешітте қасиетті Рамазан айының аяқталуына орай соңғы тарауих намазы оқылды. Бұл ерекше кешке жамағат көптеп жиналып, бір ай бойы жалғасқан рухани тәрбиенің қорытындысын жасады.

Тарауих намазы – Рамазан айында ғана оқылатын ерекше құлшылықтардың бірі. Ай бойы мешітке тұрақты түрде келіп жүрген тұрғындар соңғы кеште ерекше ықыласпен дұға жасап, ізгі тілектерін білдірді. Имамдар жамағатқа уағыз айтып, сабырлық, мейірімділік және бірлік туралы насихат жүргізді.