Қарағанды облысы, Шет аудандық «Жанқұтты би» мешітінде күннің бораны мен аязынан жолда қалған жолаушыларға ыстық ас ұсынылып, ауызашар берілді. Сонымен қатар жолаушыларға сәресі де ұйымдастырылып, қамқорлық көрсетілді.

Игі шара аудан имамы Берік Алпысбайұлының ұйымдастыруымен жүзеге асып, қиын жағдайда қалған жандарға қолдау көрсетілді. Жолаушылар мешіт ұжымына алғыстарын білдіріп, мұндай қайырымдылықтың сауапты іс екенін атап өтті.