ҚМДБ -ның Қарағанды облысының бас имамы Әбдіғали Естай Айтуғанұлы  қасиетті рамазан айының қарсаңында   «Әл Машани» мешітінің жамағатымен жүздесіп, жұма намазын өткізді.

«Ата-анаға жақсылық жасау - перзенттік міндет» тақырыбында уағыз айтқан бас имам: «Ислам дінінде ата-ананың орны айрықша. Алла Тағала Өзіне ғана құлшылық етуді бұйырғаннан кейін, ата-анаға жақсылық жасауды әмір етеді.

Қазақ халқы да ата-ананы ардақтауды ең биік құндылық санаған. Ата-анаға жақсылық жасау – берекелі өмірдің кілті, ұрпақ тәрбиесінің өзегі. Ата-анасының разылығын алған жан екі дүниеде де жақсылыққа кенеледі»,- деді.

Бас имам жұма намазынан кейін мешіт жамағатымен бірге ел амандығы мен тыныштығы үшін дұға жасады. ⠀

⠀

ҚМДБ-ның Қарағанды облысы бойынша баспасөз  қызметі⠀