Шахтинск қалалық «Нұр» мешітінде әйелдер жамағаты үшін ауызашар барысында арнайы викториналық сұрақ-жауап ұйымдастырылды. Іс-шараны әйел-қыздар секторының жауапты маманы, ұстаз Амангелді Меруерт жүргізді.

Қатысушылар қойылған сұрақтарға жауап беріп, білімдерін ортаға салды. Дұрыс жауап берген жандарға арнайы сыйлықтар табыс етілді, бұл шара әйелдерге рухани білімді арттыруға және ынталандыруға бағытталды.

Іс-шара соңында қатысушылар өз ризашылықтарын білдіріп, ұйымдастырушыларға алғыстарын жеткізді.