Қарағанды облыстық «Әнет баба» мешітінің референт-хатшысы Эльвира Абилдаева 8 наурыз – Халықаралық әйелдер күніне орай Қарағанды облысының дін істері басқармасының арнайы алғыс хатымен марапатталды.

Мереке қарсаңында табысталған хат дін саласындағы ақпараттық-түсіндіру жұмыстарын жүргізуге, қоғамдағы рухани келісім мен тұрақтылықты нығайтуға қосқан үлесі үшін берілді.

Марапаттау барысында Қарағанды облысы бойынша дін істері басқармасының басшысы Жанболат Ахуанұлы дін саласындағы мемлекеттік саясатты түсіндіру, зайырлылық қағидаттарын насихаттау және азаматтардың діни сауаттылығын арттыру бағытындағы еңбегі жоғары бағаланатынын атап өтті.

Айта кетейік, келелі кездесуде қоғамның түрлі саласында еңбек етіп жүрген бірқатар азаматшаларға да құрмет көрсетілді.