ҚМДБ «Зекет және қайырымдылық қорының» Қарағанды облысы бойынша өкілдігі мен «Дәстүр және отбасы» бағытының бірлесіп ұйымдастыруымен мешіт ұжымына және көп балалы отбасыларға арнайы ауызашар дастарханы жайылды.

Рухани кеш барысында отбасы құндылықтары мен ұлттық дәстүрдің маңызы кеңінен насихатталып, қатысушыларға тағылымды уағыз айтылды. 

Жиын аясында дін мен дәстүр сабақтастығына арналған сұрақ-жауап ойыны ұйымдастырылып, белсенділік танытқан жандарға арнайы сыйлықтар табысталды.

Игі шара демеуші азаматтардың қолдауымен жүзеге асты.

Шара соңында ата-баба рухына Құран бағышталып, ел мен жердің тыныштығы, жұрттың амандығы үшін дұға жасалды.