Қарағанды қалалық «Төлеутай ата» мешітінде өзге дін өкілі, орыс ұлтынан шыққан азамат қасиетті айда Ислам дінін қабылдап, мұсылман атанды.

Мешіт имамы Рауан Төлеубекұлы оған Калима шәһадатты айтқызып, Ислам дінінің бес парызын түсіндірді. Сондай-ақ, иман негіздері мен мұсылмандықтың жауапкершілігі жайында насихат айтты.

Жамағат жаңа мұсылман бауырымызға ізгі тілектерін білдіріп, тура жолда берік болуын тіледі.