Қазақстан мұсылмандары діни басқармасының бастамасымен және муфтиятымыздың құрылғанына 36 жыл толуына орай республика көлемінде 35 000 отбасыға азық-түлік тарату жоспарланған.

Осы игі шара аясында Теміртау  орталық «Әлихан Бөкейхан» мешіті ұжымы 50 отбасыға қайырымдылық сөмкелерін үлестірді. Әлеуметтік тұрғыдан аз қамтылған және көпбалалы отбасыларға көрсетілген бұл көмек – мұқтаж жандарға қолдау білдірудің нақты көрінісі.

Мешіт ұжымы мұндай қайырымдылық іс-шараларды дәстүрге айналдырып, жергілікті қауымға рухани және әлеуметтік қолдау көрсетуді жалғастыруда.