ҚМДБ «Зекет және қайырымдылық қорының» Қарағанды облысы бойынша өкілдігінің ұйымдастыруымен облыстық «Әнет баба» мешітінде «Рамазан сыйы» қайырымдылық акциясы өтті.

Іс-шара барысында ҚМДБ-ның Қарағанды облысы бойынша бас имамы Естай қажы Айтуғанұлы әлеуметтік көмек алушыларға жылы лебізін білдіріп, қасиетті Рамазан айымен құттықтады. 

Сонымен қатар, шараның мәні мен мақсатын түсіндіріп, жиырма отбасыға азық-түлік себеттерін үлестірді.

Бұл игі жоба қоғамдағы қайырымдылықты насихаттау, мұқтаждарға қолдау көрсету және қасиетті Рамазан айының шарапатын сезіндіру мақсатында ұйымдастырылды.

ҚМДБ-ның Қарағанды облысы бойынша баспасөз қызметі