Қарағанды қалалық «Бұқар Жырау» мешіті имамы Орманбет Болатұлының ұйымдастыруымен «Рамазанға дайындық» марафоны өткізілді. Мешітке жиналған жамағат дөңгелек стол басында бас қосып, «Рамазан – рухани тазару және адалдық айы» атты дәрістен үлес алды.

Аталмыш шараны мешіттің тұрақты жамағаттарына наиб имам Аманбол Рымқұлұлы өткізді. Дәрісте Рамазан айының рухани мәні, адалдық пен тазалықтың маңызы, ораза кезінде ізгілік пен сабыр сақтаудың жолдары түсіндірілді.