Қарағанды қалалық «Бұқар Жырау» мешітінде жарықтандыру жұмыстары жүргізілді.

Мешіт имамы Орманбет Болатұлының бастамасымен ғимараттың сыртқы шамдары жаңартылды. Алыстан көз тартатын заманауи LED жарық шамдары мешіттің мұнарасы мен күмбезіне орнатылып, нысанның сәулеттік көркін айшықтай түсті.

Сонымен қатар мешіт ауласына жарық беретін прожекторлар іске қосылып, келушілер үшін қолайлы әрі жарық орта қалыптастырылды.