Абай ауданына қарасты Топар кенті «Жұмабек Тәшен» мешітінің имамы Мурсали Қаленұлының ұйымдастыруымен қасиетті Рамазан айының құрметіне орай әлеуметтік көмекке мұқтаж отбасыларға азық-түлік себеттері үлестірілді.

Қасиетті айда жасалған бұл игі шараның басты мақсаты – тұрмысы төмен, көпбалалы және көмекке зәру жандарға қолдау көрсету, Рамазан айының мейірім мен қайырымдылыққа үндейтін рухын насихаттау.

Қайырымдылық көмегіне ие болған отбасылар мешіт жамағатына алғыстарын білдіріп, ізгі тілектерін жеткізді.