Қарағанды қаласы «Төле би» мешітінде қасиетті Рамазан айына орай кең көлемді тазалық және дайындық жұмыстары жүргізілді. Игі шараға мешіт қызметкерлері мен еріктілер қатысып, ғибадат үйінің ішкі және сыртқы аумағын ретке келтірді.

Тазалық барысында намаз залы, дәрет алу бөлмелері, аула мен кіреберіс аймақтары мұқият жуылып, кілемдер тазартылды, терезелер сүртілді. Сонымен қатар, жамағаттың жайлы құлшылық етуіне барлық қажетті жағдайлар қамтамасыз етілді.