Қарағанды қалалық «Әл Машани» мешітінде қасиетті Рамазан айына дайындық аясында жамағаттың қатысуымен рухани кеш ұйымдастырылды. Кеш барысында мұсылман қауым алдағы берекелі айдың қадір-қасиеті жайында ой бөлісіп, рухани тұрғыда дайындық мәселелерін талқылады.

Мешіт имамы Сайлау Жұмағұлұлы арнайы уағыз-насихат айтып, Рамазан айын құр дайындықпен емес, шынайы ниет, ықылас және ізгі амалдармен қарсы алудың маңыздылығына тоқталды. Сондай-ақ, оразаның адам тәрбиесіндегі орны мен қоғамдағы бірлік пен жанашырлықты арттырудағы рөлі кеңінен түсіндірілді.

Рухани кеш соңында жамағат қасиетті айды лайықты қарсы алуға ниет білдіріп, дұға жасалды.