Қасиетті Рамазан айының құрметіне Қарағанды облыстық «Әнет баба» мешітінің әйел-қыздар жамағаты мешіттің ішін әдемілеп, безендіру шарасын өткізді.

Мешіт ұстазы Әйгерім Берікболқызының жетекшілігімен ұйымдастырылған шараға мешіт шәкірттері де белсенді түрде атсалысты. Олар мешіттің тазалығын қамтамасыз етіп, рухани ортаны мерекелік күйге келтірді.

Осындай іс-шаралар мешіт жамағатының ынтымақтастығын арттырып, қасиетті Рамазан айына рухани дайындықты күшейтуге бағытталған.