Шарапатты Шағбан айының қарсаңында Қарағанды қалалық «Қазыбек би» мешітінің имамы Асылхан Нұртайұлы қаладағы №2 мектеп-интернатына арнайы барып, қайырымдылық шарасын ұйымдастырды.

Игі бастама аясында білім ордасына кілемдер тарту етіліп, оқушылар игілігіне ұсынылды. Сонымен қатар, 14 ақпан – Халықаралық кітап сыйлау күніне орай «Мүфтият» баспасынан жарық көрген «Бабалар ізімен» кітабы сыйға берілді.

Шара соңында мектеп басшылығы ұйымдастырылған қайырымдылық ісіне ризашылықтарын білдіріп, мешіт имамына арнайы алғыс хат табыстады.