Шет аудандық «Жанқұтты би» мешітінің имамы Берік Алпысбайұлының ұйымдастыруымен мешіт жамағатына «Рамазанға дайындық» тақырыбында насихат айтылды.

Насихат барысында қасиетті Рамазан айының мән-маңызы, оған рухани және амалдық тұрғыда дайындалудың жолдары, оразаның адам өміріндегі тәрбиелік орны кеңінен түсіндірілді. Сонымен қатар жамағатқа ауыз бекітудің шарттары, ниет ету, ізгі амалдарды арттыру, сабыр мен кешірімділік секілді құндылықтар жөнінде кеңестер берілді.

Жиын соңында жамағат тарапынан қойылған сұрақтарға жауап беріліп, алдағы Рамазан айын берекелі әрі сауабы мол өткізуге қатысты ұсыныстар айтылды.