Қарағанды қалалық «Ар-Рахман» мешітінде Шағбан айының берекетіне орай «Қасиетті Құранға махаббат» тақырыбында кезекті дәстүрлі бейсенбілік рухани ауызашар дастарханы ұйымдастырылды.

Іс-шара барысында мешіт имамы Азамат Төлеуханұлы жамағатқа Құран Кәрімнің исламдағы орны, оның рухани тәрбие мен адамгершілік құндылықтарды қалыптастырудағы маңызы, сондай-ақ Құран оқудың және оны өмірлік ұстанымға айналдырудың мәні жөнінде жан-жақты түсіндіру жүргізді.

Рухани кеш аясында Құран аяттары оқылып, ел амандығы мен жамағаттың бірлігі үшін дұға бағышталды. 

Аталған іс-шара жамағаттың діни сауаттылығын арттыруға, рухани құндылықтарды насихаттауға және Құранға деген құрмет пен сүйіспеншілікті нығайтуға бағытталған мешіттің тұрақты ағартушылық жобаларының бірі болып табылады.