Қарағанды қалалық «Төлеутай ата» мешітінің наиб имамы Дархан Түменбай Қарағанды қаласының №3 арнаулы әлеуметтік қызметтер көрсету орталығында кездесу өткізді.

Кездесу барысында наиб имам орталық қызмет алушыларына рухани-имандылық бағытта насихат айтып, сабыр, шүкір және адамгершілік құндылықтар туралы тағылымды ойларымен бөлісті. Сонымен қатар қоғамда өзара құрмет пен мейірімділіктің маңыздылығына тоқталып, игі амалдардың сауабы жайлы әңгімеледі.