Шет ауданына қарасты Ағадыр кенті «Иса молла» мешітінің имамы Нұржан Оңғарұлының ұйымдастыруымен мешіт жамағатына «Шағбан айының шарапаты» тақырыбында насихат айтылды.

Іс-шара барысында имам Шағбан айының қасиеті, бұл айда жасалатын ғибадаттардың маңызы және адам өміріне беретін рухани пайдасы жайында түсінік берді. Қатысушыларға әрбір мұсылман үшін дұға мен ізгі амалдардың маңыздылығы, сондай-ақ ораза мен садақаның сауаптары туралы ақпараттар жеткізілді.

Шараға қатысушылар сұрақтарын қойып, имамнан нақты кеңестер алды. Бұл насихат жастар мен үлкендерге Шағбан айын саналы түрде өткізуге, рухани дүниесін байытуға септігін тигізді.