Қарағанды қаласында орналасқан «Сегизбаев» ЖК «BAUYRDAQ» қоғамдық тамақтану орны ҚМДБ «Халал Даму» ЖШС-ның сертификатын иеленді.

Мекеменің қызмет барысын толық тексерістен өткізіп, дәмхананың асханасына зертханалық жұмыс жасау мақсатында «Халал Даму» ЖШС –ның Қарағанды облысы бойынша жауапты маманы Амангелді Дәулеткелдіұлы  арнайы бақылау жұмыстарын жүргізді.  

Тексеріс барысында өнімдердің құрамы, асхананың өндірістік жабдықтары, зертханасы, шикізат базасы мен ішкі тазалығын тексерді. Сондай-ақ қызметкерлердің жұмыс жасау барысы, санитарлық тазалық шарттарын сақтауы, шариғат талаптарына сай емес өнімдерді қолданбауы, мекемеге шикізат өнімдерін тасымалдаушы кәсіпорындардың құжаттары, техникалық құрал-жабдықтардың стандарт талаптарына сай жабдықталуы, қаптамалардың адам денсаулығына зиянды болмауы секілді өнім өндіруден бастап тасымалдап сатуға дейінгі барлық жұмыс процесі тексерілді. 

Арнайы сертификатты ҚМДБ-ның Қарағанды облысы бойынша бас имамы Естай Айтуғанұлы табыстады.

Алдағы уақытта «BAUYRDAQ» қоғамдық тамақтану орнына асы адал, жұмыстары берекелі бола берсін демекпіз!

Дәмхана Қарағанды қаласы, Бұқар жырау көшесі, 46/4. мекен жайында орналасқан.

ҚМДБ-ның Қарағанды облысы бойынша баспасөз қызметі