Қарағанды қалалық «Ар-Рахман» мешітінде балаларға арналған қысқы діни сауат ашу және Құран үйрену курсы өз жұмысын жүйелі түрде жалғастыруда. Аталған оқу курсы мешіт имамы Азамат Төлеуханұлының ұйымдастыруымен өткізілуде.

Қазіргі таңда курсқа 15-ке жуық шәкірт тұрақты түрде қатысып, Құран әліппесін меңгеру, дұрыс оқу дағдыларын қалыптастыру және базалық діни білімдерін жетілдіру бағытында сабақ алуда. Оқу үдерісі жас ерекшеліктеріне сай жоспарланып, тәлім-тәрбиелік мазмұнмен толықтырылған.

Бұл бастама балалардың діни сауаттылығын арттыруға, рухани тәрбие беруге және Құран іліміне деген қызығушылығын нығайтуға бағытталған мешіттің тұрақты білім беру жобаларының бірі болып табылады.