Қарағанды қалалық «Бала қажы» мешітінде ұстаз Фатима Аманболдықызының ұйымдастыруымен Құранға түскен шәкірттерге тәж кигізу рәсімі өтті.

Рухани кеш барысында Құран оқуды бастау бақытына ие болған шәкірттерге ерекше ілтипат білдіріліп, оларға арнайы марапаттар табысталып, тәж кигізілді. 

Бұл сәт  шәкірттердің жүрегіне қуаныш пен жауапкершілік ұялатып, ерекше рухани әсер сыйлады.

Сондай-ақ шара аясында шәкірттерге арнап дастархан жайылып, мешіт ұстазы «Құран оқудың артықшылығы» тақырыбында насихат айтты.

Іс-шара соңында шәкірттер өздеріне Құран ілімін үйретіп, рухани жол көрсеткен Фатима ұстазға шынайы алғыстарын айтып, ақ тілектерін білдірді.