Қарағанды қалалық «Ар-Рахман» мешітінде кезекті дәстүрлі бейсенбілік іс-шара аясында «Тәфәккур» (терең ой) тақырыбында рухани дастархан ұйымдастырылды.

Іс-шара барысында мешіт имамы Азамат Төлеуханұлы жиналған жамағатқа тәфәккур ұғымының исламдағы орны мен маңызын кеңінен түсіндірді. Ол адамның өзін-өзі тануы, Алланың жаратылысы мен сансыз нығметтері жайында ой жүгірту арқылы иманын күшейту, көркем мінез қалыптастыру және өмірлік жауапкершілікті арттыру жолдарына тоқталды. 

Сондай-ақ ойлану мен зерделеудің рухани тәрбие берудегі рөлі ғылыми-танымдық тұрғыда баяндалды.

Рухани кеш барысында Құран аяттары оқылып, елдің амандығы мен жамағаттың бірлігі үшін дұға жасалды. 

Аталған іс-шара жамағаттың рухани дамуына серпін беріп, діни сауаттылығын арттыруға бағытталған мешіттің тұрақты түрде жүзеге асырылып келе жатқан игі жобаларының бірі.