Қарағанды қалалық «Бала қажы» мешітінің ұстазы Бақытгүл Айтқалиқызы мешіт шәкірттеріне «Жақсылық жасаушыға берілетін сауаптар» тақырыбында тағылымды насихат айтты.

Насихат барысында ұстаз жақсылық жасаудың ислам дініндегі орны мен маңызын кеңінен түсіндіріп, әрбір ізгі істің Алла Тағала алдында үлкен сауапқа кенелтетінін Құран аяттары мен хадистер арқылы баяндады. Сонымен қатар, күнделікті өмірде адамдарға пайда тигізудің, көмектесудің және ізгі ниеттің мұсылман баласына тән көркем мінез екеніне ерекше тоқталды.

Шара соңында шәкірттер тақырып аясында өздерін толғандырған сұрақтарын қойып, рухани тұрғыда мол әсер алып, пайдалы мағлұматтарға қанықты.