Ақтас кенті «Ерімбет ата» мешітінің шәкірттері мен мешіт жанашырлары бірлесе отырып, мешіт ауласын қардан тазарту жұмыстарын жүргізді.

Аталған шара жамағатқа қолайлы жағдай жасау, тазалыққа мән беру және ортақ жауапкершілікті арттыру мақсатында жүзеге асырылды. Игі іске белсене атсалысқан азаматтар мұсылман үшін тазалықтың иманның бір бөлігі екендігін іс жүзінде көрсетті.

Мешіт ауласының тазартылуы жамағаттың жұма намазын қауіпсіз әрі жайлы жағдайда атқаруына мүмкіндік берді. Осындай сауапты әрі үлгілі істер алдағы уақытта да өз жалғасын табады.