Қарағанды облысы Шахтинск қалалық «Нұр» мешітінде рухани игі шара ұйымдастырылып, мешіт қызметіне және асхана құрылысына 2025 жылы белсене атсалысқан кәсіпкерлер мен жамағаттарға алғыс хат табысталды. Жиын мешіт имамы Мәулен Әбілхайыр Кәсенұлының ұйымдастыруымен өтті.

Шара барысында сауапты іске үлес қосқан жанашыр азаматтарға арнайы құрмет көрсетіліп, дастархан жайылды. Кездесу аясында имам «Уақып» тақырыбында уағыз-насихат айтып, уақыптың діндегі орны, қоғамға тигізер пайдасы мен садақаның үздіксіз сауабы жайында кеңінен тоқталды.

Сонымен қатар жиынға қатысушылар да сөз алып, мешітке деген ықыластарын білдіріп, атқарылып жатқан игі істерге ризашылықтарын жеткізді. Өзара ақжарма тілектер айтылып, алдағы уақытта да ел игілігі жолындағы жұмыстарға бірлесе үлес қосуға ниет білдірілді.

Аталған басқосу жамағат бірлігін нығайтып, қайырымдылық пен жанашырлықтың маңызын тағы бір мәрте айқындаған тағылымды кездесу болды.