Қарағанды қалалық «Хазірет Али» мешітінің имамы Ербол Мұқанұлы мешіт жамағатына «Жат ағым жарылқамайды» тақырыбында насихат айтты.

Насихат барысында имам дәстүрлі ислам құндылықтарының маңыздылығына тоқталып, жат діни ағымдардың қоғамға, отбасыға және жеке тұлғаға тигізер зияны туралы жан-жақты түсіндірді. Сонымен қатар, дінді дұрыс түсінудің, сенімді ақпарат көздеріне жүгінудің және радикалды идеологиядан сақ болудың маңызын атап өтті.

Кездесу соңында жамағат тарапынан қойылған сұрақтарға жауап беріліп, рухани тұрақтылықты сақтау мен бірлікті нығайту жөнінде тағылымды ойлар айтылды.

Бұл бағыттағы насихат жұмыстары қала мешіттерінде жүйелі түрде жалғасып келеді.