16 желтоқсан - Тәуелсіздік күніне орай Шет ауданына қарасты Ағадыр кенті «Иса молла» мешітінің имамы Нұржан Оңғарұлының ұйымдастыруымен құрбан шалынып, ата-баба рухына Құран хатым бағышталды. 

Сонымен қатар, Мәуліт оқылып, елдің амандығы мен бірлігі, тәуелсіздіктің тұғырлы болуы үшін дұға жасалды.

Жиынға мешіт жамағаты, жергілікті тұрғындар және жастар қатысты. 

Имам Нұржан Оңғарұлы қатысушыларға тәуелсіздіктің қадір-қасиеті, тарихи оқиғалар мен ұлттық құндылықтарды сақтау қажеттігі туралы кеңінен түсіндіріп, жастарды елін сүюге және отбасы мен қоғамдағы игі істерге үлес қосуға шақырды.

Шара соңында жамағат бірлік пен татулықтың маңызын атап өтіп, Тәуелсіздік мерекесінің рухани мәнін арттыруға бағытталған ой-пікірлерімен бөлісті.