Қарағанды облысы,Саран қалалық мешітінде «Исламдағы қыз баланың тәрбиесі» тақырыбында уағыз-насихат айтылды.

Алла Тағала адамзатты ер мен әйел етіп жаратты.Солардың ішінде қыз бала – отбасының сәні, ұлттың ұяты, қоғамның тәрбиесі. Қыз тәрбиесінің дұрыс болуы – болашақ ананың иманды, парасатты болып қалыптасуы деген сөз. Сондықтан Ислам діні қыз балаға ерекше мәртебе береді.

Құран Кәрімде Алла Тағала қыз баланы қорлыққа емес, құрметке лайық еткенін ескертеді. Тіпті Пайғамбарымыздың (с.ғ.с.) заманында қыз баланы кемсіту кең таралған кезде, ислам келіп, олардың құқын қорғап, қоғамдағы орнын биіктетті.

Алла Тағала:

«Кімде-кім қыз балаларды тәрбиелеп, оларға жақсы қараса, бұл оның үшін жәннатқа себепші болады» деген сүйінші хабарды жеткізеді.

Пайғамбарымыздың (с.ғ.с.) қыз тәрбиесіндегі үлгісі

Пайғамбарымыздың (с.ғ.с.) Фатима анамызға көрсеткен қамқорлығы – қыз балаға деген ең жоғары құрметтің айқын үлгісі. Ол кісі қызы кірсе, орындарынан тұрып оған ілтипат көрсететін.

Хадисте:

«Кімнің үш қызы болып, оларды тәрбиелеп, жақсы көріп, тұрмысқа шығарып, ақыларын толық берсе, ол жаннатқа кіреді», – делінген.

Бұл хадис кез келген мұсылман ата-анаға қыз тәрбиесін аса жауапкершілікпен қарау керектігін көрсетеді.

Алла Тағала барша қыздарымызды иманды, ибалы, ақылды қылып өсіруге күш-қуат берсін!

Ұрпағымызды берекелі, елімізді тыныш, отбасыларымызды мейірімге толы қылғай!