Шет ауданына қарасты С.Сейфуллин кенті  «Күмісбек молда» мешітінің имамы Қаблақат Амангелді жамағат және кент тұрғындарымен бірлесіп, орталық зираттың сыртын қоршау жұмыстарын ұйымдастырды.

Игі бастама елді мекен тұрғындарының қолдауымен жүзеге асып, зират аумағы түгенделіп, қоршауы ретке келтірілді.

Бұл жұмыс — ата-баба аманатына құрмет көрсетіп, киелі орындарды сақтауға бағытталған сауапты іс ретінде бағаланады.