«Ислам және отбасы құндылықтары» жылы аясында Бұқар Жырау аудандық «Жыржыс қажы» мешітінің имамы Рүстем Мұратұлы жаңадан неке қиған жас отау иелерімен арнайы кездесу өткізді.

Кездесу барысында имам отбасының берік болуы үшін қажет діни-рухани қағидалар жөнінде кең көлемді насихат айтты. Сондай-ақ ер мен әйелдің өзара міндеттері, сыйластықты сақтау, сабыр мен кешірімнің отбасылық өмірдегі рөлі, ынтымақ пен жауапкершіліктің маңызы түсіндірілді.

Шара жас жұбайларға бағыт-бағдар беріп, отбасылық өмірге саналы түрде қадам басуға үндеді.