Шет аудандық «Жанқұтты би» мешітінің имамы Берік Алпысбайұлы мешіт жамағатына жат ағымдардың алдын алу бағытында түсіндіру жұмыстарын жүргізді.

Кездесу барысында имам қоғамдағы діни тұрақтылықтың маңызын атап өтіп, теріс бағыттағы ағымдардың белгілері, олардың залалы және олардан сақтану жолдары туралы кеңінен баяндады. Сонымен қатар, жамағатқа діни білімді тек дәстүрлі діни орталықтардан алу қажеттігі түсіндіріліп, дұрыс ақпарат көздерін пайдалану жөнінде кеңес берілді