Қарағанды облысы Шахтинск қалалық «Нұр» мешіті «Хаким» қайырымдылық қорына үлес қосты. Ізгі ниетті іс-шара аясында мешіт ұжымы тарапынан бірнеше кілем қор игілігіне берілді.

Зекет және қайырымдылық бағытының жауапты маманы Нұрғали Байкешев мешіт атынан аталған кілемдерді қор басшысы Рүстем Нілдібекұлына табыстады.

Бұл игі іс — қоғамда мейірім мен жомарттықты насихаттауға, сондай-ақ мұқтаж жандарға көмек көрсететін қайырымдылық бағытындағы бірлік пен бауырмалдықты арттыруға бағытталған.

Іс-шара соңында қор жетекшісі мешіт ұжымына алғыс айтып, Алла разылығы үшін жасалған әрбір қайырымды істің сауабы еселене берсін деген тілегін жеткізді.