Қарағанды қалалық «Төлеутай ата» мешітінің имамы Рауан Төлеубекұлы Республика күні мерекесіне орай қаладағы жетімдер үйіне арнайы барып, балаларға қуаныш сыйлады.

Шара барысында тәрбиеленушілерге ыстық тағам, түрлі жеміс-жидектер мен тәттілер таратылып, мерекелік көңіл-күй сыйланды.

Мекеме басшылығы мен қызметкерлері игі бастама үшін мешіт ұжымына өз алғыстарын білдіріп, бұл іс-шараның балалар үшін үлкен рухани және моральдық қолдау болғанын атап өтті.

Аталған қайырымдылық шарасы — қоғамдағы ізгілік пен мейірімділікті насихаттауға, сондай-ақ Республика күні мерекесінің рухын ерекше сезіндіруге бағытталған игі іс болды.