Шет ауданына қарасты «Күмісбек молда» мешітінде Республика күні мен қасиетті Мәуліт айының құрметіне арналған рухани кеш ұйымдастырылды.

Шараның мақсаты – ел бірлігі мен рухани тұтастықты дәріптеу, сондай-ақ Алла Елшісі Мұхаммедтің (с.ғ.с.) көркем мінезін үлгі ету болды.

Кеш барысында жамағат Пайғамбарымызға (с.ғ.с.) салауаттар айтып, Құран аяттары оқылды. Ата-баба рухына дұға бағышталып, ел мен жердің амандығы үшін тілектер айтылды.

Мешіт имамы жамағатқа Республика күнінің тарихи маңызы мен тәуелсіздік құндылығы жөнінде, сондай-ақ Мәуліт мерекесінің рухани тәрбиелік мәні жайлы тағылымды уағыз айтты.

Кеш соңында қатысушылар игі іс-шараның әсерімен рухани серпіліс алып, ұйымдастырушыларға ризашылық білдірді.